وێنە/سۆشیاڵ میدیا
کۆمپانیای HD Box ماوەی 40 رۆژ قەرەبووی بەشداربووانی دەكاتەوە
964+
هاوبەش ئەبوبەکر
پەخشی کەناڵە ناوخۆییەکانی HD Box لە سنووری پارێزگای سلێمانی، هەڵەبجە و کەرکوک دەستیپێکردەوە و کۆمپانیاکە بۆ ماوەی 40 رۆژ قەرەبووی بەشداربووەكانی دەكاتەوە.
کۆمپانیای HD Box لە راگەیەندراوێکدا لە فەیسبووکی خۆیان رۆژی دووشەممە بەشداربووانی ئاگادار کردەوە، کە دەتوانن لە رێگەی ناردنی ژمارەی نهێنی (سیریال نەمبەر)ی ئامێرەکانیان بۆ کۆمپانیاکە، بۆ ماوەی 40 رۆژ قەرەبوو وەربگرن.
قەرەبووەکە بەشداربووانی سلێمانی، هەڵەبجە، ئیدارەی گەرمیان، راپەڕین و کەرکوک دەگرێتەوە.
“بۆ ئەوەی سودمەندبیت لەم قەرەبووە، سیریالی جیهازەکە و ناونیشان بنێرە بۆ تیلیگرامی ئەم ژمارەیە 07508526725،” کۆمپانیای HD Box وا دەڵێت.
دوا وادە بۆ ناردنی ژمارەی نهێنی، 20.3.2023ـیە و لە بەرواری 24.3.2023 کۆمپانیاکە باڵانسی بەشداربووەکانی زیاد دەکات.
ماوەی نزیکەی 15 رۆژ بوو پەخشی کەناڵە ناوخۆییەکانی HD Box وەستابوو، رۆژی دووشەممە دەستیپێکردەوە. بە وتەی وەزارەتی رۆشنبیری هۆکاری وەستانی پەخشی HD Box ئەوە بوو، فریکوێنسی کۆمپانیاکە لەگەڵ فریکوێنسی ئاژانسێکی هەواڵی فەرەنسی (AFP) تێکەڵ بوو.