جەماوەر لەسەر شەقامە
قامیشلۆ؛ بە ئاڵایەکى گەورەى کوردستانەوە پشتیوانى لە باشوور دەکەن
964+
ئۆفێسى 964 لە رۆژئاوا
دواى ئەوەى لە دوو رۆژى رابردوودا، هاوڵاتیانى عاموودا بۆ پشتیوانى لە باشوور خۆپیشاندانى جەماوەریان سازکرد، ئەمڕۆ لە شارى قامیشلۆ سەدان هاوڵاتى رژانە سەر شەقامەکان و دروشمى،”بژى یەکێتى گەلى کورد”یان دەوتەوە.
خۆپیشاندەرانى قامیشلۆ، بە شەکاندنەوەى ئاڵایەکى گەورەى کوردستان و چەندین دروشم، پشتیوانیان بۆ باشوورى کوردستان دەربڕى لەو هێرشە درۆنى و موشەکیانەى دەکرێنە سەرى.
ئەوەش لە کاتێکدایە لە دوو رۆژى رابردوودا، هاوڵاتیانى عاموودا و ئەمڕۆش هاوڵاتیان لە قامیشلۆ و دێرک، بۆ پشتیوانى لە باشوور، خۆپیشاندانى گەورەى جەماوەریان سازکرد.
پێداچوونەوە: وریا فەتاح