ئەم بەیانییە بۆردومان کران

چەکدارێکی حەشدی شەعبی کوژرا و دووی دیکەش بریندار بوون

964+

ئەرسەلان عەبدوڵا

دەستەی هێزەکانی حەشدی شەعبی لە عێراق رایگەیاند، بەیانی ئەمڕۆ پێنجشەممە فەوجێکیان لە دەشتی نەینەوا بۆردومان کراون و لە ئەنجامدا چەکدارێکیان کوژراوە و دووی دیکەشیان بریندار بوون.

دەستەکە لە راگەیاندراوێکدا دەڵێت، هێرشێکی ئاسمانی لە لایەن ئەمریکا – ئیسرائیلەوە کراوەتە سەر فەوجی چواری سەر بە لیوای 30ی حەشدی شەعبی لە دەشتی نەینەوا، لە ئەنجامدا یەکێک لە چەکدارەکانیان کوژراوە و دووانی دیکەش بریندار بوون.

ئەم ماوەیە بنکە و بارەگا و بازگەکانی حەشدی شەعبی بە چڕی لە لایەن هێزەکانی ئەمریکا و ئیسرائیلەوە لە ناو عێراق بۆردومان دەکرێن و تا ئێستا دەیان چەکدار و بەرپرسیان کوژراون.