چۆڵە
داخستنى ئاسمانى عێراق 24 کاتژمێرى دیکە درێژ کرایەوە
964+
وریا فەتاح
دەسەڵاتی فڕۆکەوانی مەدەنی عێراق بڕیاریدا بە درێژکردنەوەی داخستنی ئاسمانی وڵات بە رووی هەموو گەشتە هاتوو و چوو و تێپەڕبووەکاندا بۆ ماوەی 24 کاتژمێری دیکە.
بەپێی راگەیەندراوە فەرمییەکە، ئەم بڕیارە لە کاتژمێر 12:00ی نیوەڕۆی ئەمڕۆ یەکشەممەوە دەستپێدەکات و تاوەکو کاتژمێر 12:00ی نیوەڕۆی سبەینێ دووشەممە بەردەوام دەبێت.
دەسەڵاتی فڕۆکەوانی دەڵێت ئەمە هەنگاوێکی “کاتی و خۆپارێزییە” و لەبەر رۆشنایی پەرەسەندنی گرژییە ئەمنییەکانی ناوچەکە دراوە.
بڕیارەکە بەپێی گۆڕانکارییەکانی دۆخەکە و پێشهاتە نوێیەکان جارێکی تر هەڵسەنگاندنی بۆ دەکرێتەوە.
جەختیش دەکاتەوە کە سەرجەم کۆمپانیاکانی فڕۆکەوانی و لایەنە پەیوەندیدارەکان لە هەر گۆڕانکارییەکی نوێ ئاگادار دەکرێنەوە.
ئەم بڕیارە لە کاتێکدایە کە ناوچەکە بە دۆخێکی هەستیاردا تێپەڕ دەبێت و هێرشە ئاسمانییەکانی نێوان ئیسرائیل و ئێران گەیشتوونەتە ئاستێکی مەترسیدار.
