هۆکارەکانی رەتکردنەوەی داواکاری زیادکردنی منداڵ لە پسوولەی ئەلیکترۆنی خۆراک رووندەکرێتەوە

فەرهاد حەسەن

پسوولەی ئەلیکترۆنی خۆراک لە رانیە هۆکارەکانی رەتکردنەوەی داواکاری زیادکردنی منداڵ لە پسوولەی ئەلیکترۆنی خۆراک بۆ هاوڵاتیان روونکردووەتەوە و  یەکێک لەوانەش ئەوەیە کە لەکاتی  تۆمارکردنی ناوی منداڵ رەگەزەکەیان بەهەڵە بنووسرێت.

هۆکارەکانی دیکەی ئەم رەتکردنەوەیە بریتییە لەوەی کە کارتی نیشتمانی منداڵەکە بەسەرچووبێت و  زۆرڤاران وێنەی زیندووی رووخساری منداڵەکە سکان ناکرێت و لەبری منداڵەکە وێنەی دایك یان باوكی منداڵەکە دەگرن.

لەکاتی پڕکردنەوەی فۆڕمەکە پەیوەندی خزمایەتی دروست بۆ منداڵەکە هەڵنابژێرن و زۆرجارانیش رەگەزی منداڵ بە هەڵە هەڵدەبژێردرێت.

داوا لە دایکان و باوکان دەکرێت، بەوردبینیەوە داواکاری پێشکەش بکەن و زانیارییەکانیش بە راستی و دروستی تۆمار بکەن.