شەقامی سالم خرۆشاوە
لە سلێمانی خۆپیشاندانی ملیۆنی بەڕێوەدەچێت
964+
دیلان محەمەدجەزا – سلێمانی
هەروەک پێشتر بەرنامەڕێژی بۆ کرابوو ئەمڕۆ لە سلێمانی خۆپیشاندانی ملیۆنی بەڕێوەدەچێت و بەهەزاران کەس چوونەتە بەردەم باخی گشتی و لەوێشەوە بە هۆتاف و دروشم وتنەوە بە شەقامی سالمدا دەڕۆنەخوار.
دیمەنەکان خۆیان دەدوێن، دەیان تابلۆ و دروشمی رەنگاوڕەنگ بەرزکراونەتەوە و ژن و منداڵ و گەنج و لاو پشتیوانی خۆیان بۆ کوردانی رۆژئاوای کوردستان دووپاتکردەوە.
هاوکات لەگەڵ سلێمانی، لە هەولێری پایتەخت و کەرکوک و چەند شوێنێکی دیکەی کوردستانیش خۆپیشاندان و گردبوونەوە ئەنجام دەدرێت و ئەمڕۆیان بە هەینی کوردان ناوناوە.
پێداچوونەوە؛ شۆڕش قادری