وێنەی هێزە ئەمنییەكانی عێراق
سنووری پردێ
پۆلیس و بازرگانی ماددەی هۆشبەر رووبەڕوو بوونەوە و كوژراو و بریندار هەیە
964+
کاروان ساڵحی-کەرکوک
بەرەبەیانی ئەمڕۆ دووشەممە 29.12.2025 لە نزیک گوندی بیرەسپان لەسەر رێگای نێوان کەرکوک – پردێ رووبەڕووبونەوە لە نێوان پۆلیسی سوات و نەهێشتنی ماددە هۆشبەرەکان و چەند داواکراوێک رووی دا، لە ئەنجامدا مفەوەزێک و بازرگانێکی ماددەی هۆشبەر کوژران و دوو ئەندامی هێزەکەش بریندار بوون.
سەرچاوەیەکی ئەمنی تایبەت لە کەرکوک بە 964ـی وت، پۆلیسی سوات بەشی “ٲقتحام” و پۆلیسی نەهێشتنی ماددە هۆشبەرەکان، بۆسەیان بۆ چەند کەسێکی داواکراو داناوە، کە بازرگانی ماددەی هۆشبەر بوون، دوای رووبەڕوبوونەوە لە نێوان بازرگانەکان و هێزە ئەمنییەکان، مفەوەزێکی هێزەکە بە ناوی لەیس حیکمەت و دوو کارمەندی دیکەش بریندار بوون، لە بەرامبەریشدا بازرگانێکی ماددەی هۆشبەر كوژرا و یەكێكیشیان دەستگیر كرا.
پێداچوونەوە: ئەرسەلان عەبدوڵا
