پاسپۆرتی سلێمانی دەیەوێ لە یەک رۆژدا پاسپۆرتی هاوڵاتیانی چەمچەماڵ بداتەوە

شۆڕش قادری

پاسپۆرتی سلێمانی دەیەوێ لە یەک رۆژدا مامەڵەی هاوڵاتیانی چەمچەماڵ تەواو بکات و بۆ ئەوەش داوایان لێدەکات، ئەگەر ئیشی پاسپۆرتیان هەیە، بەیانی زوو لە بەڕێوەبەرایەتییەکە ئامادە بن.

بەڕێوەبەرایتی پاسپۆرتی سلێمانی لە ئاگادارییەکدا بۆ هاوڵاتیانی دانیشتووی چەمچەماڵ دەڵێت، “کاتێک مامەڵەی پاسپۆرتیان هەیە و سەردانی بەڕێوبەرایەتییەکەمان دەکەن، داواکارین لە کاتژمێر 8:30 خولەکی بەیانی ئامادەبن، بۆ ئەوەی بتوانین تەواوی مامەڵەکانیان لە ماوەی یەک رۆژدا بۆ تەواو بکەین و هەمان رۆژ پاسپۆرتەکەیان بدەینەوە”.

وەک دەڵێن، ئامانجیانە بەو کارە، خزمەتی زیاتری هاوڵاتیانی سنووری چەمچەماڵ بکەن و بەهۆی درەنگ هاتنیان کارەکەیان نەکەوێتە رۆژێکی دیکە، کە بەهۆیەوە توشی زەحمەتی و خەرجی زیاتر دەبن.