" زۆر دڵخۆشبوم خەڵکی گەرمیانم ناسی"
ئاھەنگی یازدەھەمین خولی دەرچوانی زانکۆی گەرمیان
964+
میلاد جەلال- کەلار
خوێندکارانی زانکۆی گەرمیان گەیشتن بە مورازی دڵیان و دڵخۆشن، یەکێک لە خوێندکارەکان دەڵێت، دوای ماندووبوونێکی زۆر توانیم ئەو ئامانجەی ھەیمە بەدەستی بێنم.
لارا جەمال لە سلێمانیەوە بۆ خوێندن چووەتە کەلار و چوار ساڵی زانکۆی لەوێ تەواو کردووە و دەڵێت، زۆر دڵخۆشبوم خەڵکی گەرمیانم ناسی، ھەندێک شتم لێرە بینی و زانی، ئەگەر نەھاتمایە تاکید نەمدەزانی.
هەندێکیان پێش دەرچوونیان لە زانکۆ کاریان بەدەستهێناوە، بەڵام هەندێکیان چاوەڕوانی هەلێکن، وەک زەهرا عوسمان، دڵخۆشە ئەمڕۆ ئاھەنگی دەرچونیەتی دەڵێت،”ھەوڵدەدەم لەکەرتی تایبەت کارێک بدۆزمەوە لە بوارەکەی خۆم و سوپاسی دایک و باوکم و براکەم دەکەم کە زۆر پاڵپشتم بوونە”.
پێداچوونەوە : پەری ساڵح
