سێ بارهەڵگر بەیەکیانداداوە
بە رووداویكی هاتوچۆ لە سەر رێگای سلێمان بەگ 10 کەس بریندار بوون
964+
سیروان خورشید – دوزخورماتوو
لەسەر رێگای گشتی کەرکوک – بەغدا بەدیاریکراوی لەنزیک ناحیەی سلێمان بەگ لەسنووری خورماتوو رووداوێکی هاتوچۆ لە نێوان سێ بارهەڵگردا روویدا بەهۆیەوە 10 کەس برینداربوون و سەرجەمیان ئەندامی خێزانێکن.
ئەحمەد حسێن شایەتحاڵ لەشوێنی رووداوەکە بە 964ـی وت، رووداوەکە لەنێوان دوو باهەڵگر و کیایەکی بچوکی بارهەڵکری دیکەدا روویداوە، کاتێک کیاکە لەناحیەکەوە دەرچوە و ویستویەتی بە ئاڕاستەی خورماتوو بڕوات، بەڵام بە بێ ئاگایی چووەتە سەر شەقامە گشتیەکە و بەهۆیەوە دوو بارهەڵگر بەتیژڕەویەوە کۆنتڕۆڵیان لەدەست دا و پێکدادان لەنێوان هەر سێ لایاندا روویداوە.
وتیشی، لەئەنجامی رووداوەکەدا 10کەسی ناو کیاکە بەسەختی برینداربوون و سەرجەمیان ئەندامی خێزانێکن و رەوانەی نەخۆشخانەی خورماتوو کراون.
ئیبراهیم خالد، ئێشکگر لەنەخۆشخانەی گشتی دوزخورماتوو بە 964ـی وت، لەئەنجامی رووداوەکەدا 10کەس کە سەرجەمیان ئەندامی خێزانێکن بەسەختی برینداربوون و دوو لەبریندارەکان بەهۆی بێ هۆشبوونیان و سەختی برینیان رەوانەی نەخۆشخانەی ئازادی کەرکووک کراون.
وتیشی، بریندارەکان پێکدێن لە چوار پیاو لەگەڵ چوار ژن و دوو منداڵ، سەرجەمیان لەژێر چاودێری پزیشکدان و ئەوانەی بێ هۆشن باری تەندروستیان ناجێگیرە باوک و کچێکی منداڵن.
پێداچوونەوە: توانا نەقی
