“چنوور” چوار پارچەی کوردستانی لە مۆزەخانەی سلێمانی کۆکردووەتەوە

964+

دیلان محەمەد – سلێمانی

تەنيا بە مۆباییلەکەی دەستی، چنوور سروشتی هەر چوار پارچەی کوردستانی وێنە گرتووە و ئێستاش سەرجەم وێنەکانی لە مۆزەخانەی سلێمانی داناوە و بچن بیانبینن.

چنوور ئەو کارەی تەنيا وەک خولیایەک کردووە و پێشتر هیچ پێشانگایەکی هونەریی نەبووە و ئەم پێشانگایەشی ناوناوە “سروشت بۆ هەمیشە”.

کارەکەی لە ماوەی ساڵ و نیوێکدا کردووە و 57 فۆتۆشی لەوانەی گرتوونی، خستوویەتییە پێشانگاکەوە.

چنوور محەمەد دانیشتووی شاری سلێمانییە و تەمەنی 40 ساڵە، بە تۆڕی 964ـی وت: فۆتۆکانم بە مۆبایلێکی Iphon 11 گرتووە و ویستوومە پیشانی بدەم بە ئامێرێکی سادە دەتوانیت کاری جوان بکەیت.

پێشانگاکە دووشەممە 28.2.2023 کراوەتەوە و تا سێ رۆژ بەردەوام دەبێت.