سلێمانى؛ چوار بیانى دەستگیرکران کە دەیانویست سنوور ببەزێنن

964+

وریا فەتاح

هێزەکانی لیوای 21ـى پاسەوانی سنوور، لە چەند ئۆپەراسیۆنێکی جیادا، چوار کەسی بیانیان دەستگیرکرد کە هەوڵیان دەدا بە شێوەیەکی نایاسایی سنوور ببەزێنن و بێنە ناو خاکی هەرێمی کوردستانەوە.

بەپێى راگەیەندراوێکى، فەرماندەیی هێزەکانی پاسەوانی سنوور، دەستگیرکراوەکان هەڵگری رەگەزنامەی جیاوازی ئاسیایین و لە سنووری ئیداریی پارێزگای سلێمانی دەستگیرکراون.

دوای دەستگیرکردنیان، پەڕاوی لێکۆڵینەوەیان بۆ کراوەتەوە و رێکاری یاسایی پێویستیان بەرامبەر گیراوەتەبەر.

لە 1.10.2025، هێزەکانى پاسەوانى سنوور، توانیان 22 دەستگیر بکەن کە هەوڵیانداوە بە شێوەیەکی نایاسایی لە پارێزگای سلێمانی و واستەوە، سنوور ببەزێنن.