رێبوار تەها
لینکی دامەزراندنی 7304 کەس لە کەرکووک کارا دەکرێت
رێبوار تەها، پارێزگارى کەرکوک، لینکی دامەزراندنی 7304 کەس لە کەرکووک کارا دەکات و دەڵێت،: بەهەموو کەرکوکییەکان دەڵێم، ئەو لینکە بۆ ئێوەیە و تکاتان لێدەکەم زانیارییەکانتان وەکخۆى دابنێن.
دەشڵێت: پێویست بەوە ناکات پارە بدەن و هەر لە مۆبایلەکانتانەوە دەتوانن زانیارییەکان دابنێن و زانیارییەکانیشتان پارێزراوە.
جەختیشى کردەوە، 30 رۆژ ئەو لینکە کارا دەبێت و ئەگەرى درێژکردنەوەى هەیە.
لێرەوە دەتوانن لینکەکە بکەنەوە و زانیارییەکانتان تۆمار بکەن و لە حاڵەتێکیشدا کە لینکەکە نەکرایەوە، چاوەڕێ بکەن تا ئەوکاتەى بەتەواوەتى کارا دەکرێت.
لەسەر بودجەی سێ ساڵی عێراق، زیاتر لە حەوت هەزار کەس لە کەرکوک دادەمەزرێن و زۆرترین پشک بۆ دەرچووانی بەکالۆریۆسە، کە 75%ـی دامەزراندنەکان پێکدەهێنن، جەخت لەوەش کراوەتەوە کە دامەزراندن بەپێی “شایستەیی” دەبێت و پشکی نەتەوەیی لەبەرچاو ناگیرێت.
