“لافیتە و نووسینەکانتان لەسەر قوماش و کاغەز بن، نەک فلێکس و نایلۆن”

964+

شۆڕش قادری

دەستەی پاراستن و چاککردنی ژینگە داوا لە لایەنەکانی کوردستان دەکات، ریکلام و بانگەشەی هەڵبژاردن لەسەر قوماش و کاغەز بنووسن نەک فلێکس و نایلۆن، خۆیشیان بەدوور بگرن لە بەکارهێنانی قافڵەی ئۆتۆمبێل وەک شێوازێکی بانگەشە.

دەستەی ژینگەی هەرێمی كوردستان بە نووسراوێكی فەرمی و بۆ پاكڕاگرتنی ژینگە لە كاتی بانگەشەی هەڵبژاردندا، ئاگاداری لایەنە سیاسییەكان دەكاتەوە و دەڵێت، “بەمەبەستی پاراستنی ژینگەی كوردستان كە گەورەترین سەرمایەی هەمووانە و ئەنجامدانی هەلمەتی هەڵبژاردن بە شێوەیەكی شارستانییانە و بۆ راگرتنی هاوسەنگی لە نێوان دوو مافی دەستووریدا كە یەكەمیان دەنگدانە بۆ هەڵبژاردنێكی پاك و دووەمیشیان مافی هەموو كەسێكە بۆ ژیان لە ژینگەیەكی سەلامەتدا، داواكارین لە هەموو حیزب و لایەنەكان پابەندی رێنماییەکانمان بن”.

دەستەی ژینگە رێنماییەکانی بڵاوکردووەتەوە و تیایدا هاتووە، “لافیتە و نووسینەکانیان لەسەر قوماش و کاغەز بن، نەک فلێکس و نایلۆن، کە دواجار بەئاسانی شینابنەوە و زیان بە زۆرێک لە گیانەوەران و رووەک و خاک دەگەیەنن”.

داواشیان لێدەکات، پارکە گشتییەکان و باخچەی نێو گەڕەکەکان بۆ بانگەشەی هەڵبژاردن بەکارنەهێنن.

دەقی رێنماییەکانی دەستەی پاراستن و چاککردنی ژینگە لە خوارەوە؛

هەڵمەتی بانگەشەی هەڵبژاردنی پەرلەمانی عێراق دەستپێدەكات

لەسەر گردێکی شوێنەواری لۆحە بۆ بانگەشەیی هەڵبژاردن دانراوە