لە سنووری گەرمیان
راوچیەک دەستگیرکرا و سیانی دیکە هەڵاتوون
964+
توانا نەقی
لە لایەن پۆلیسی دارستانی نەوجولەوە لە سنووری کفری راوچییەک دەستگیر کراوە و سیانی دیکە هەڵاتوون، راوچییەکان تەقەیان لە مەفرەزەکەی پۆلیس کردووە و تایەی ئۆتۆمبێلێکیان تەقاندووە.
ئەمڕۆ چوارشەممە، پۆلیسی دارستان و ژینگەی گەرمیان بڵاویکردەوە، لە گووندی دووڕاجی مەفرەزەیەکی پۆلیسی دارستان کەوتوونەتە دوای چەند راوچییەک، راوچییەکان تەقەیان لە مەفرەزەکە کردووە و تایەی ئۆتۆمبێلەکەیان تەقاندووە، بەڵام یەکێکیان دەستگیر کراوە.
ئاماژە بەوەشکراوە، رووداوەکە کاتژمێر 2:00ـی شەو بووە و سێ لە راوچییەکان هەڵاتوون و ئێستا فەرمانی گرتنیان بۆ دەرکراوە.
