شەقامێکی سلێمانی - وێنە: 964
ئەفسەرێک لە هاتوچۆ
ئۆتۆمبێله لێدراوهكان تهنیا له تاقیگهی نزیك تێرمیناڵی سلێمانی بەراد دەکرێن
964+
ئەحمەد مستەفا
ئەفسەرێک لە بهشی پشكنینی ئۆتۆمبێل، لە هاتوچۆی سلێمانی دەڵێ، ئۆتۆمبێله لێدراوهكان تهنیا له تاقیگهی نزیك تێرمیناڵی نوێی سلێمانی لهسهر رێگهی تاسڵوجه – سلێمانی بەڕاد دهكرێت وە، لە هەموو سلێمانی له سێ ناوچه رۆژانه پشكنینی بهڕاد بۆ ئۆتۆمبێل دهكرێ.
ئهوانیش ناوچهی تانجهرۆ، پیشهسازی و تاسڵوجهن.
ئەمڕۆ پێنجشەممە، بهرههم مەولود، ئهفسهر له بهشی پشكنینی ئۆتۆمبێل له بە رایۆی هاتوچۆی سلێمانی راگهیاندووە، له تانجهرۆ له دوو تاقیگه، له ناوچهی پیشهسازی له دوو تاقیگه و له تاسڵوجه له سێ تاقیگه، رۆژانه بهبهردهوامی كراوهن و پشكنینی بهڕاد بۆ ئۆتۆمبێل دەکەن.
جگه لهو حهوت تاقیگهیەی كراوهن، سێ لیژنهی دیكه پشكنین بۆ ئۆتۆمبێل دهكهن ئهوانیش لیژنهكانی “هاوبهش بۆ كاروباری پشكنین، لیژنهیهك بۆ ههڵوهشاندنهوه (مراندن)ی ئۆتۆمبێل و لیژنهیهك بۆ دیاریكردنی كێشهكانی ئۆتۆمبێل”.
ئهفسهرهكهی بهشی پشكنین له بهرێوهبهرایهتی هاتوچۆی سلێمانی جهختدهكاتهوه، له سلێمانی زۆرترین ناوهندی پشكنین ههیه بهراورد به پارێزگاكانی دیكه و پێویست ناكات شۆفێران پێكهوه روو لهیهك شوێن بكهن و قهرهباڵغی دروستبكهن و بههۆیهوه كارهكانی خۆیان دوابكهوێت.
بەبۆنەى دەستپێکى دەوامى خوێندن؛ هاتنە ناوەوەى بارهەڵگرەکان بۆ ناوشارى سلێمانى قەدەغەکرا
