100 سەرباز لەبوومەلەرزەكەی تورکیا گیانیان لەدەستداوە

+964
كودستان ئەحمەد- هەولێر

18 رۆژ بەسەر بوومەلەرزەكەی توركیا و باكووری كوردستاندا تێدەپەڕێت، وەزارەتی بەرگری تورکیا دەڵێت، 100 سەربازیان گیانیان لە دەستداوە.

ئەمڕۆ پێنجشەممە 23.2.2023 وەزارەتی بەرگری توركیا بەیاننامەیەكی لەبارەی بوومەلەرزەكەوە بڵاوكردوەوە و دەڵێ: لەرووداوەكەدا 100 سەربازی سوپا گیانیان لەدەستداوە.

بەپێی راگەیەنراوەكە بێت، 66 سەرباز لەبوومەلەرزەكە بەسەختی برینداربوون و تائێستاش لەژێر چاودێری پزیشكیدان.

وەزیری ناوخۆی توركیا، ئەمڕۆ پێنجشەممە رایگەیاند: گیانلەدەستدان بەهۆی بوومەلەرزەكەوە گەیشتوەتە 43 هەزار 500 كەس.

وەزارەتی بەرگری توركیا دەڵێت: تائێستا ناسنامەی دوو سەربازی وڵاتەكەی لەبوومەلەرزەكەدا دیارنییە و بێسەروشوێنن.

ئەو راگەیاندراوە لەكاتێكدایە وەزارەتی بەرگری توركیا، داوای لەهەموو هێزە چەكدارەكانی وڵاتەكەی کردبوو بەشداری لەهاوكاری لێقەوماوەكانی توركیادا بكات.