شەش كەس بەهۆی رووداویكی هاتوچۆ بریندار بوون

ئەرسەلان عەبدوڵا

بەهۆی رووداوێکی هاتوچۆوە لە هەڵەبجە، شەش کەس بریندار بوون، ئەوەی باشە بریندارەكان باری تەندروستییان جێگیرە.

ئێوارەی ئەمڕۆ پێنجشەممە 21.8.2025 بەهۆی رووداوێکی هاتووچۆوە لە رێگای سەرەکیی هەڵەبجە – سیروان، شەش هاوڵاتی برینداربوون، کە بریتیی بوون لە دوو شۆفێر و چوار سەرنشین، كە رووداوەكە پێكدادان بووە لە نێوان دوو ئۆتۆمبێلی جۆرەكانی نیسان تیدا و تۆیۆتا كراون، ئەمەش بە گوێرەی راگەیاندراوی پۆلیسی هاتوچۆی هەڵەبجە.

ئاماژەیان بەوەش كردووە، بریندارەكان باری تەندروسییان جێگیرە و رەوانەی نەخۆشخانەی فریاكەوتنی هەڵەبجە كراون، هەروەها تیمەكانی پۆلیسی هاتوچۆ خەریكی لێكۆڵینەوەن لە رووداوەكە.