دیمەنی ئەو ئامێرە تازانەی کە بۆ بەرگری شارستانی سۆران دابینکراون وێنە: بەرگری شارستانی سۆران
200 ئامێری ئاگرکوژێنەوەی بۆ تیمەکانی دابین کرد
بەرگریی شارستانیی سۆرانیش مشوری خۆی خوارد
964+
ئاکام غەفور – سۆران
بەرگریی شارستانیی سۆران بۆ وەرزی گەرما مشوری خۆی خوارد و 200 ئامێری جیاوازی ئاگرکوژێنەوەی بۆ تیمەکانی دابین کرد.
بەرگریی شارستانیی سۆران، ئەمڕۆ پێنجشەمە 17.7.2025، رایگەیاند، 200 ئامێری ئاگرکوژێنەوەیان لە جۆری ، co2 و پاودەری قەبارە جیاواز بۆ بەڕێوەبەرایتیەکەیان دابین کراوە.
دەشڵێت، ئامێرەکان لە لایەن وەزارەتی ناوخۆ دابین کراون، بە مەبەستی زیاتر گرینگیدان بە بەرگریی شارستانی و زووتر کۆنتڕۆڵکردنی رووداوەکانی ئاگرکەوتنەوە.
پێداچوونەوە: ئەرسەلان عەبدوڵا