دەربەندیخان بۆ نەمانی قەدەغەی راوەماسی رێوشوێنی دیکەی گرتەبەر 

964+

توانا نەقی

لایەنە پەیوەندیدارەکانی قەزای دەربەندیخان بۆ نەمانی قەدەغەی راوەماسی رێوشوێنی دیکەیا گرتەبەر و چەند جۆرێکی راوکردن هەر بە قەدەغە کراوی دەمێنێتەوە.

بڕیارەکان لەلایەن قایمقام و کشتوکاڵ و ڤێرتێرنەرت و پۆلیسی دارستانەوە دەرکراوە.

بە پێی کاتی وەرزی قەدەغە کردنی راوەماسی کە وەزارەتی کشتوکاڵ دیاری کردووە رۆژی 20.6.2025 کۆتایی دێت و راوەماسی ئاسایی دەبێتەوە.

سلێمان محەمەد قایمقامی دەربەندیخان بە 964ـی وت، 20ـێ ئەم مانگە قەدەغە نامێنێت بۆیە لە خەمی سامانی ماسی کۆمەلێک بڕیاریان دەرکردووە.

وتیشی، بەنداوی دێوانە بچووکە و تازەشە بۆیە ئەگەر بە تۆڕ راوی تیادا بکرێت بەشی یەک هەفتە دەکات و ماسی تایادا نامێنێت بۆیە بڕیاریان داوە تەنیا بە قولاپ راوبکرێت و دیمەنەکەشی جوان دەبێت وەک شوێنێکی گەشتیاری.

قایمقامیەتی قەزای دەربەندیخان بڕیارەکانی دوای ئاسایی کردنەوەی راوە ماسیی بڵاوکردووەتەوە و پێکهاتوون لە:

– لە بەنداوی دێوانە جگە لە راوکردن بە قولاپ هەموو جۆرەکانی تری راوکردن قەدەغەیە.

– لە هەردوو بەنداوی دەربەندیخان و دێوانە راوکردن  بە کارەبا، TNT، تۆڕی ورد و دەرمان قەدەغەیە.

– دانانی لەوحەیەک و رێنمایی پێدان سەبارەت بە قەدەغەکردنی راوەماسی جگە لەقولاپ لەسەر رێگای سەرەکی بەنداوی دێوانە.

چوار کەس راوی ماسییان دەکرد گیران