نۆ رۆژێکی تر دوا وادەیە بۆ پڕکردنەوەی فۆڕمی وەرگرتنی زەوی

ئەحمەد مستەفا

وەزارەتی شارەوانی دەڵێ، رۆژی 20.6.2025 دوا وادە دەبێ بۆ وەرگرتنی فۆڕمی زەوی بۆ خانەنشینان و فەرمانبەران و دەبێ فەرمانگەکان تا ئەو وادەیە، هەر کوموکوڕییەک یان پڕکردنەوەی فۆڕمی وەرگرتن تەواو بکەن و بیگەڕێننەوە بۆیان.

هۆشداری لەوە دەدات، دوای ئەو وادەی دیارییان کردووە، هیچ فۆڕمێکی نوێ وەرناگرن.

لە نوسراوێکدا، وەزارەتی شارەوانی هەرێمی کوردستان کە ئاراستەی گشتی وەزارەت و دامودەزگاکانی هەرێمی کوردستانی کردووە، ئاماژە بەوە دەکات، لەسەر بڕیاری سەرۆکایەتی ئەنجومەنی وەزیران بۆ پێدانی زەوی بە فەرمانبەران ئەوان کاروباری وەرگرتن و وردبینیان دەستپێ کردووە.

ئەو وەزارەتە ئاشکرای دەکات، چوار سەد و 20 هەزار خانەنشین و فەرمانبەران تائێستا کە فۆڕمیان پڕکردووەتەوە، وردبینی بۆ ناوەکانیان کراوە و رەزامەندی ئەنجومەنی وەزیرانیان بەدەست هێناوە، بۆ تەرخانکردنی پارچە زەوی بۆیان.

نوسراوەکەی وەزارەتی شارەوانی؛