سلێمانی
شوقەیەک ئاگری گرت و بێ زیانی گیانی بوو
964+
دیلان محەمەدجەزا – سلێمانی
لە یەكێك لە شوقەكانی نیشتەجێبوون لە سلێمانی، ئاگر كەوتەوە و تیمەكانی بەرگریی شارستانی توانیان كۆنتڕۆڵی بكەن و هیچ زیانێكی گیانییش نەبووە.
تیمی 964 گەیشتنە لای شوقەكە، كە دەكەوێتە نزیك باڵەخانەی پارێزگای سلێمانی، لەوێ وتەبێژی بەرگریی شارستانیی سلێمانی ئارام عەلی رایگەیاند، تیمەكانیان بە كەمترین كات ئاگرەكەیان كۆنتڕۆڵ كردووە و هیچ زیانێكی گیانی نەبوو، تەنیا زیانی ماددی هەبوو.
ئاماژەی بەوەش دا، چەند هاوڵاتییەك لە شوقەكەدا بوون و رزگار كران.
ئارام عەلی ئاشكراشی كرد، تیمەكانیان سەرقاڵی لێكۆڵێنەوەن لە هۆكاری ئاگركەوتنەوەكە و هەموو ئەگەرێك لەبەرچاو دەگرن.
پێداچوونەوە: ئەرسەلان عەبدوڵا
