"هەشت جوانەگامان سەربڕیوە"
لە سلێمانیش بە رێوشوێنی توندەوە قوربانیکردن دەستیپێکرد
964+
دیلان محەمەد – سلێمانی
هاوشێوەی شار و شارۆچکەکانی دیکەی کوردستان، لە سلێمانیش قوربانیکردن دەستیپێکرد و هاوڵاتییەکیش دەڵێت، تا ئێستا هەشت جوانەگەیان سەربڕیوە.
حاجی رزگار خاوەنی چێشتخانەیەک لە سلێمانی بە 964ـی وت، “رەزامەندی قایمقامیەتمان بۆ سەربڕین وەرگرتووە و تا کاتژمێر 9ـی بەیانی ئەمڕۆ هەشت جوانەگامان سەربڕیوە”.
ئاماژەی بەوەشکرد، خەڵکێکی زۆر بۆ قوربانیکردن دەچێتە لایان چونکە بەقسەی خۆی نرخی سەربڕینەکانیان بەراورد بە مەیدانی ئاژەڵان و شوێنەکانی دیکە هەرزانترە.
بەهۆی بڵاوبوونەوەی نەخۆشی تای خوێنبەربوون، ئەمساڵ قوربانیکردن و سەربڕین لەناو ماڵەکان لە هەموو ناوچەکانی کوردستان، قەدەغە کراوە و تەنیا دەبێت لە کوشتارگە و ئەو شوێنانەی رێپێدراون، ئەنجام بدرێت.
پێداچوونەوە؛ شۆڕش قادری
