بە داتا سەلمێنراوە
کوالێتی ھەوای گەرمیان گونجاوە بۆ ژیانکردن
964+
میلاد جەلال – گەرمیان
فەرمانگەی ژینگەی گەرمیان ماوەی شەش مانگە سەرقاڵی وەرگرتنی داتان لەسەر کوالێتی ھەواو و ژینگە و زیندەوەران لە سنووری گەرمیان.
دورەید سەلیم، بەڕێوەبەری فەرمانگەی ژینگەی گەرمیان بە 964ـی وت، بەپێی ئەو داتایانەی دەستمانکەوتووە لەماوەی رابردوو، بە ئاستی نایاب و مام ناوەند ، ھەوای گەرمیان گونجاوە بۆ ژیانکردن و ھیچ مەترسیەک نییە لەسەر ھەواو ژینگەی گەرمیا”.
“ھۆکاری ئەم گونجاویەش دەگەڕێتەوە بۆ ئەوەی لە سنوورەکە ژمارەی ئۆتۆمبێل و دانیشتووان کەمە بەراورد بە ناوچەکانی دیکە، لەگەڵ ئەوەشدا ھیچ پاڵاوگەیەکی نایاسایی لەگەرمیان نییە کە ھۆکارێکن بۆ پیسکردنی ژینگە”،دورەید سەلیم وای وت.
ئاماژەی بەوەشکرد، لەروی سەوزایی و زیندەوەرەوە گەرمیان لە ئاستێکی خراپدایە، چونکە رێژەی سەوزایی لە ناوچەکە کەمە، ھەروەھا بەشێوەیەکی زۆر و نایاسایی راو دەکرێت.
پێداچوونەوە: توانا نەقی
