“شاری سلێمانی وەزعی باشە و مەترسی نییە”

964+

دیلان محەمەدجەزا

جێگری بەڕێوەبەری گشتیی تەندروستیی سلێمانی دەڵێت، پێویستە خەڵك مامەڵە لەگەڵ شوێنی فەرمی گۆشتفرۆشی بكەن و خۆپارێزی بكەن، بەڵام پێویست بە ترس و دڵەڕاوكێی زۆریش ناكات.

د. سەرخێل ئاراس ئەمڕۆ سێشەممە 27.5.2025 بۆ 964 قسەی كرد و لە بارەی رێكارەكانی خۆپارێزی لە نەخۆشی تای خوێنبەربوون، ئاشكرای كرد دوو مانگە تەندروستی سلێمانی رێكارەكانی گرتووەتەبەر بۆ خۆپارێزی و هەروەها مامەڵەكردن لەگەڵ كەیسەكانی نەخۆشییەكە.

وتیشی، نەخۆشییەكە لە جیهاندا هەیە و لە باشووری عێراقیشدا هەیە، بەڵام شاری سلێمانی وەزعی باشە و مەترسی نییە، لەگەڵ ئەوەشدا پێویستە خۆپارێزی بكرێت و هاوڵاتیان پابەندی رێكارەكان بن و لەگەڵ شوێنی فەرمی فرۆشتنی ئاژەڵ و گۆشت مامەڵە بكەن.

وتیشی، “واباشترە گۆشت بە كوڵاندن یان بە بژراندن بە ئاگری سەروو 50 پلەی گەرمی ئامادە بكرێ و ئەوكات مەترسی نامێنێت”.

“پێویست ناكات زۆر بترسن و تەنیا خۆپارێزی بكەن، لە ڤایرۆسەكە پارێزراو دەبن”، د. سەرخێل ئاراس وای وت.

پێداچوونەوە: ئەرسەلان عەبدوڵا