تەندروستى گەرمیان
زانیارى نوێ لەسەر رووداوە دڵتەزێنەکەى رێگاى کەلار دەربەندیخان
964+
میلاد جەلال- گەرمیان
ئەو ئۆتۆمبێلەى ئێوارەى ئەمڕۆ لەسەر رێگاى کەلار بۆ دەربەندیخان وەرگەڕا و بەهۆیەوە سێ کەس گیانیان لەدەستدا، تەندروستى گەرمیان زانیارى نوێ ئاشکرا دەکات و دەڵێت: دوو کەسیش بریندار کە یەکێک لە بریندارەکان ئەو کەسە بووە کە بەهانایانەوە چووە و بریندارەکانى دەرکردوون.
ئێوارەى ئەمڕۆ پێنجشەممە، لە رێگاى سەرەکى دەربەندیخان بۆ کەلار لە نزیک باوەنوور، ئۆتۆمبێلێک لە پردى قولەبەرز کەوتەخوارەوە و سێ کەس گیانیان لەدەستدا، سەرەتا وابڵاوکرایەوە کەسێک بریندار بووە و سێ کەس گیانیان لەدەستداوە، بەڵام بە وتەى رەفیق قادر، بەڕێوەبەرى نەخۆشخانەى شەهید هەژار، دوو کەس بریندار بوون، یەکێک لە بریندارەکان کەسێک بووە کە بەهانایانەوە چووە و دەریکردوون.
پێداچوونەوە: وریا فەتاح
