ده‌رهێنه‌ره‌كه‌ى كوردى رۆژهه‌ڵاته
“سه‌گخۆر” فیلمێكی سینه‌مایى تایبه‌ت به ژینگه له ئه‌نقه‌ره خه‌ڵاتى باشترینى پێدرا
964+
فه‌رهاد حه‌سه‌ن
سینه‌ماكارێكی كورد خه‌ڵاتى باشترین فیلمی له فێستڤاڵى ئه‌نقه‌ره له وڵاتى توركیا به‌ده‌ستهێنا، كه تاكه فیلمى رۆژهه‌ڵاتى كوردستان و ئێران بوو به‌شدارى ئه‌م فێستڤاڵه‌ى كردبوو.
ئاژانسی ئێرناى ئێرانى بڵاویكرده‌وه، فەتحوڵا ئەمیری، سینه‌ماكار و ده‌رهێنه‌ر به فیلمی “سەگخۆر” به‌شدارى فێستڤاڵه‌كه‌ى توركیاى كردبوو و خەڵاته‌كه‌شی بۆ باشترین کورتە فیلمى دۆکیۆمێنتاری بووه.
ئەمیری، خەڵکی ئیلامی رۆژهەڵاتی کوردستانە، ده‌ڵێت “فیلمی سەگخۆر لە دەرهێنانی خۆم و نیما عەسکەری لە یەکەمین فێستیڤاڵی فیلمی دۆکیۆمێنتاری ئاژەڵە کێوییەکان لە ئەنقەرە بەشداری كرد.
وتیشی “فیلمە دۆکیۆمێنتارییەکە تاکە فیلمی رۆژهەڵاتی کوردستان و ئێران بوو، کە لە فێستیڤاڵەکەدا بەشداری کرد و لەلایەن ئامادەبووان و رێکخەرانی فێستیڤاڵەکە و ئەندامانی لیژنەی نەتەوە جیاوازەکانەوە پێشوازییەکی گەرمی لێکرا”.
فیلمەکە باس لە سروشت و ژینگە دەکات.
له فێستیڤاڵی فیلمی دۆکیۆمێنتاری ئاژەڵە کێوییەکان لە ئەنقەرەی وڵاتى تورکیا 691 فیلمی دۆکیۆمێنتاری کورت و درێژ لە 89 وڵاتی جیهانەوە بەشداریان کرد و لە کۆتاییدا حەوت فیلمی دۆکیۆمێنتاری کورت و حەوت فیلمی دۆکیۆمێنتاری درێژ لە وڵاتانی رووسیا، ئیسپانیا، ئەڵمانیا، ئەمریکا، نیپاڵ، هیندستان، نەمسا، فەرەنسا، نەرویج و رۆژهەڵاتی کوردستان و ئێران وەك باشترینەكان هەڵبژێردران.
سینه‌ماكارێكی ئێرانی وڵاته‌كه‌ی به نهێنی جێهێشت
"كورد هه‌رچی بكات ناتوانێت فیلمێكی وه‌ك پیانیست دروست بكات"
