گەرمیان
لە رووداوێکى هاتوچۆدا دوو برا گیانیان لەدەست دا
+964
میلاد جەلال _ گەرمیان
کەمێک لەمەوبەر لە سنوورى گەرمیان، دوو برا کە لەسەر یەک ماتۆڕ بوون، لەگەڵ بارهەڵگرێک تووشى رووداوى هاتوچۆبوون و بەهۆیەوە گیانیان لەدەستدا.
تەمەنیان 14 ساڵان و 15 ساڵان بوون
سامان عەلی، وتەبێژی ھاتوچۆی گەرمیان بە 964ـى وت،”لەسەر رێگای مەیدان بۆ گوندی ھاجیلەر رووداوێکی ھاتوچۆ لەنێوان بارھەڵگرێک و ماتۆڕسکیلێک روویداوە و دوو کەس گیانیان لەدەستداوە”.
وەک ئەوەى باسى دەکات، دوو کەسەکە براى یەکترى بوون و لێخوڕو سەرنشینى ماتۆڕەکە بوون.
لاى خۆیەوە، خالید عەبدولکەریم، بەڕێوەبەرى مەڵبەندى تەندروستى مەیدان بە 964ـى وت،”ئەو دوو برایە قوتابى بوون و تەمەنیان 14 و 15 ساڵان بوون، لەکاتى گەڕانەوە لە قوتابخانە تووشى رووداوەکە بوون”.
پێداچوونەوە: وریا فەتاح