هەموویان سەلامەتن
هیچ حاجییەک گیانى لەدەست نەداوە
964+
وریا فەتاح
دواى ئەوەى لە بەشێک لە تۆڕەکۆمەڵایەتییەکان وابڵاوکرایەوە کە حاجییەکى کورد لە سعودیە بەڕووداوى هاتوچۆ گیانى لەدەستداوە، وتەبێژى حەج و عومرەى کوردستان بە 964ـى وت،”هیچ حاجییەک گیانى لەدەست نەداوە و سەلامەتن”.
کاروان ستوونى، وتەبێژى بەڕێوەبەرایەتى حەج و عومرەى کوردستان بە 964ـى وت،”هیچ حاجییەک گیانى لەدەستنەداوە و سەرجەم حاجیان لە شارى مەککەو مەدینە، سەلامەتن”.
ئەوەش لە کاتێکدایە، لە بەشێک لە تۆڕەکۆمەڵایەتییەکان وابڵاوکرایەوە کە حاجیەکى کورد لە سعودیە بەڕووداوى هاتوچۆ، گیانى لەدەستداوە.
بۆ ئەمساڵ 5 هەزار و 136 کەس لە هەرێمى کوردستانەوە حەج دەکەن، لەو ژمارەیە لە رۆژانى 16 و 17ـى ئەم مانگە یەک هەزار و 646 حاجى بە رێگاى وشکانى گەشتى سعودیەیان کردووە و 3 هەزار و 490 حاجیش بە رێگەى ئاسمانییەوە گەشت دەکەن، بەپێى پلانى حەج و عومرەى کوردستان تا 28ـى ئەم مانگە، تەواوى حاجیان گەشتى سعودیە دەکەن.
بەپێی ساڵنامەی حەجی ئەمساڵ، ئێوارەی 5.6.2025 حاجیانی ماڵی خوا لە كێوی عەرەفە دەبن و رۆژی 6.6یش یەكەم رۆژی جەژنی قوربان دەبێت.
