عەدادی بەنزینخانەیەک. فۆتۆ؛ سۆشیاڵ میدیا
لە سلێمانی بەنزینی نۆرماڵ 50 دینار هەرزان دەبێت
964+
هاوبەش ئەبوبەکر
ئەمڕۆ لە سلێمانی نرخی بەنزین دادەبەزێت، وتەبێژی بەنزینخانەكانی شارەکە دەڵێت، هەر لیترێکی موحەسەن 25 دینار و نۆرماڵیش 50 دیناری لێ کەمدەبێتەوە.
بەهمەن قادر وتەبێژی بەنزینخانەكانی سلێمانی بە تۆڕی 964ی راگەیاند “بەهۆی دابەزینی بەهای دۆلار و کەمبوونەوەی خواست لەسەری، ئەمڕۆ کاتژمێر 4ی ئێوارە نرخی بەنزین دادەبەزێت”.
لەدوای دابەزینی نرخەکانیان، یەک لیتر بەنزینی نۆرماڵ دەبێت بە 975 دینار و موحەسەن دەبێتە هەزارو 175 دینار، بەڵام سوپەر وەک خۆی دەمێنێتەوە.
رۆژی 28ی کانونی یەکەم لە سلێمانی بەهۆی بەرزبوونەوەی نرخی دۆلار، نرخی بەنزینیش بەرزبووەوە، بە جۆرێک نۆرماڵ 50 دینار، موحەسەن و سوپەر 25 دیناریان چووە سەر.