دیمەنێکی ئەمڕۆی هەولێر لەکاتی خۆڵباریندا - وێنە: 964
رەوشەکە ئاساییە
تەندروستی هەولێر: بەهۆی خۆڵبارین هیچ کەس داخڵی نەخۆشخانە نەکراوە
964+
شۆڕش قادری
تەندروستی هەولێر رەتیدەکاتەوە هیچ کەسێک بەهۆی خۆڵبارینەوە داخڵی نەخۆشخانە کرابێت و دەڵێت، رەوشەکە ئاساییە.
سامان سەلمان بەرپرسی راگەیاندنی تەندروستی هەولێر بە 964ـی وت، “هیچ حاڵەتێکی تەنگەنەفەسی بەهۆی خۆڵبارینەوە رووی نەداوە و بەوهۆیەوە کەس داخڵی نەخۆشخانە نەکراوە”.
وتێشی، پێشتر رێنمایی تەندروستیمان لەسەر خۆڵبارین بڵاوکردووەتەوە و بەهۆی رەچاوکردنی ئەو رێنماییانە لەلایەن هاوڵاتیانەوە، رەوشەکە ئاسایی دەڕواتە پێش.
لە شەوی رابردووەوە شەپۆلێکی خۆڵبارین رووی لە ناوچەکانی کوردستان کردووە و کەمێک پێش ئێستاش چەند کەناڵ و میدیایەک بڵاویانکردەوە کە بەوهۆیەوە، لە هەولێر چەند کەسێک رەوانەی نەخۆشخانە کراون.
خۆڵبارین سەدان کەسى رەوانەى نەخۆشخانە کرد
