بەدواداچوون بۆ ئاردى کامپى ئاوارەکانى پارێزگاى دهۆک دەکرێت

964+

وریا فەتاح

تیمێکى وەزارەتى بازرگانى عێراق، بەدواداچوون بۆ كوالێتی ئاردی كامپی ئاوارەكانی پارێزگای دهۆك دەكات.

وەزارەتى بازرگانى عێراق بڵاوى کردەوە، وەک بەشێک لە بایەخدان بە کوالێتى خۆراکى هاوڵاتیان و لەسەر سکاڵاى ژمارەیەک هاوڵاتى، تیمێکى وەزارەت بەدواداچوون بۆ کوالێتى ئەو ئاردە دەکات کە دەدرێت بە ئاوارەکان.

وەک باس دەکرێت، تیمەکە کە پسپۆری بەشەکانی کوالێتی کۆنترۆڵ و چاودێری لەگەڵ بووە، نمونەى ئاردیان لە کامپەکە وەرگرتووە تا لە تاقیگە پشکنینى بۆ بکەن، ئەوە جگە لەوەى راو بۆچوونى دانیشتوانى کامپەکە لەو بارەیەوە وەرگیراوە.