ئیداره‌كانی سۆران و راپه‌ڕین كاره‌بایان كوژایه‌وه‌

ئه‌رسه‌لان عه‌بدوڵا

وه‌زاره‌تی كاره‌بای كوردستان رایگه‌یاند، كاره‌بای هه‌ردوو ئیداره‌ سه‌ربه‌خۆكانی سۆران و راپه‌ڕین كوژاوه‌ته‌وه‌ و ئێستا خه‌ریكی لێكۆڵینه‌وه‌ و چاره‌سه‌رین.

وه‌زاره‌ته‌كه‌ ئه‌مشه‌و یه‌كشه‌ممه‌ 5.4.2026 راگەیاندراوێكی بڵاوكرده‌وه‌، كه‌ به‌م جۆره‌یه‌:

هاوڵاتیان ئاگادار دەكەینەوە بەهۆی كێشەیەكی تەکنیکی لە هێڵەكانی گواستنەوەی كارەبا، گرفتی كوژانەوەی کارەبا لە ئیدارە سەربەخۆکانی سۆران و راپەڕین ڕوویدا.

لە ئێستادا تیمەكانی وەزارەتی كارەبا سەرقاڵی لێكۆڵینەوەن لە هۆكاری كێشەکە بۆ ئەوەی بەزووترین كات چارەسەری بكەن و لە چەند كاتژمێری داهاتوودا كارەبا بۆ هاوڵاتیان بگەڕێتەوە.

لەکاتی هەبوونی هەر پێشهاتێکی تر و گەڕانەوەی کارەبا، وەزارەتی کارەبا راستەوخۆ هاوڵاتیان ئاگادار دەکاتەوە.

وەزارەتی كارەبا

2026/4/05