ئاگرێكی گەورە لە چۆمان هەڵگیرساوە

ئاكام غەفور

رەوەند هاودیانی وتەبێژی بەرگریی شارستانیی سۆران بە 964ی راگەیاند، ئاگرێكی گەورە لە كۆگایەكی كەلوپەلی ئەلیكترۆنی لە سەنتەری قەزای چۆمان هەڵگیرساوە و هێشتا كۆنتڕۆڵ نەكراوە.

وتیشی، تەواوی تیمەكانی سەر بە بەڕێوەبەرایەتیی بەرگریی شارستانیی سۆران بەرەو شوێنی ئاگرەكە چوون، بۆ ئەوەی كۆنتڕۆڵی بكەن.

نوێكرایەوە  9:35

وتەبێژی بەرگریی شارستانیی سۆران بە 964ی راگەیاند، هێشتا ئاگرەكە كۆنتڕۆڵ نەكراوە و تیمەكانیان بە ژمارەیەكی زۆر خەریكن.

رەوەند هاودیانی وتیشی، هێشتا نازانین زیانی گیانی هەیە یان نا، هەروەها هێشتا هۆكاری كەوتنەوەی ئاگرەكەیان بۆ دەرنەكەوتووە.

نوێكرایەوە  9:57

ئاگرەكەی كۆگایەكی كەلوپەلی ئەلیكترۆنی لە چۆمان، چەند دوكانێكی دیكەشی گرتووەتەوە و هێشتا كۆنتڕۆڵ نەكراوە، زیانێكی زۆریشی بەو دوكانانە گەیاندووە.

964 بەردەوام دەبێت لە گەیاندنی زیاتر لە بارەی ئاگرەكەی بازاڕی چۆمان

پێداچوونەوە: ئەرسەلان عەبدوڵا