گرافیک؛ 964+
ئاماری رێكخراوێكی مافى مرۆڤ
مانگانه لانیكه‌م 4 كۆڵبه‌ر له‌ناوچه سنووری و شاخاوییه‌كان گیانیان له‌ده‌ستداوه
964+
فه‌رهاد حه‌سه‌ن
رێكخراوی مافی مرۆڤی هانا ئامارى 15 مانگى رابردووى بڵاوكردووه‌ته‌وه به‌پێى ئاماره‌كه‌ش مانگانه لانیكه‌م چوار كۆڵبه‌ر گیانیان له‌ده‌ستداوه.
به‌پێی ئاماره‌كه كه لە ماوەی ساڵى رابردوو و سێ مانگی ئه‌مساڵ تۆماركراوه 63 كۆڵبەر لە ناوچە سنورییەکان و رێگا شاخاوییەکانی نێوان کوردستانی ئێران و هەرێمی کوردستان گیانیان لەدەستداوە كە زۆرینەی بەهۆی تەقەی راستەوخۆی هێزە ئەمنیەكانەوە بووە و 284 كۆڵبه‌ریش برینداربونه.
لەساڵی 2024دا، زیاتر لە 59 كۆڵبەر گیانیان لەدەستداوە كە 41 کەسیان بە تەقەی راستەوخۆی هێزە ئەمنیەكانی ئێران كوژراون.
هانا، كە رێكخراوێكی كوردی رۆژهه‌ڵاته و لە راپۆرتێكی تایبەتدا ئاماژه‌ى به‌وه‌كردووه، ئه‌و كۆڵبەرانه‌ى گیانیان له‌ده‌ستداوه و بریندار بوونه، لە کاتی گواستنەوەی کەلوپەل لە ناوچە سنورییەکانی وایان به‌سه‌ر هاتووه.
زۆرینەی ئه‌وانه‌ى گیانیان لەدەستداوه یاخود برینداربوونه بە هۆی تەقەی راستەوخۆی سوپا و پاسەوانانی سنوری ئێرانەوە بووە و هه‌ندێكیشیان بەهۆی بەفربارین، سه‌رماوسۆڵى سه‌رسنووره‌كان، تەقینەوەی مین، کەوتنەخوارەوە لە شوێنە بەرزەکان و روداوی هاتوچۆ بووه.
لە سێ مانگی یەكەمی ئەمساڵ چوار كۆڵبەر گیانیان لەدەستداوە
ته‌نیا لە سێ مانگی سەرەتای ئه‌مساڵ چوار كۆڵبەر گیانیان لەدەستداوە كە دوو کەسیان بە تەقەی راستەوخۆ و دوو کەسەکەی دیکەش بەهۆی سەرما و رۆچونی زەوی گیانیان لەدەستداوە، هەروەها و 13ی دیکەش برینداربون.
ساڵى رابردوو نزیكه‌ى 60 كۆڵبه‌ر له‌سه‌ر سنووره‌كان گیانیان له‌ده‌ستداوه
وه‌زیری رۆشنبیری له‌سه‌ر كوژرانى كۆڵبه‌ره‌كه‌ى هه‌ورامان هاته‌ده‌نگ
