به‌ره‌و به‌هاره و كاتییه‌تى
ژینگه‌پارێزانى شنگال 20 هه‌زار قه‌ڵه‌مى هه‌نجیریان بۆ چاندن ئاماده كردووه
964+
فه‌رهاد حه‌سه‌ن
ژینگه‌پارێزانى شنگال له رێكخراوى ماڵى پێكه‌وه‌ژیان (بیت التعایش) ده‌ستیان به چاندنى ئه‌و قه‌ڵه‌مه هه‌نجیرانه كرد بۆ ئه‌وه‌ى له داهاتوو به‌سه‌ر جوتیاران دابه‌شی بكه‌ن و له‌شوێنى جیاوازه شنگال بیچێنن.
چه‌ند رۆژێكه له‌رێگه‌ى تیمێكه‌وه ئاماده‌كارییه‌كانى چاندنى ئه‌و قه‌ڵه‌مه هه‌نجیرانه‌یان كردووه.
د.میرزا دنایى، دامه‌زرێنه‌رى ماڵى پێكه‌وه‌ژیان له شنگال به 964ـى وت، به‌ره‌و وه‌رزى به‌هاره و كاتى چاندنى قه‌ڵه‌مى داره‌كانه و به‌پێویستیان زانیووه ئه‌و ژماره قه‌ڵه‌مى هه‌نجیره بۆ جوتیاران ئاماده‌بكه‌ن.
وتیشی “هه‌ر جوتیارێك ده‌خوازێ خۆى قه‌ڵه‌مه‌كان بیچنێت و شاره‌زایی هه‌یه، ده‌توانێت سه‌ردانمان بكات بۆئه‌وه‌ى ژماره‌یه‌ك قه‌ڵه‌مى پێبده‌ین”.
چه‌ند رۆژێك له‌مه‌وبه‌ریش تیمه‌كانى ئه‌م رێكخراوه پێنج هه‌زار قه‌ڵه‌مى هه‌ناریان چاند كه له لایه‌ن گروپێكه‌وه له هه‌ڵه‌بجه وه‌ك دیارییه‌ك بۆیان هێندرابوو.
