لە دوو هەفتەدا لە هەولێر
16 تۆمەتبار بە 82 کیلۆ مادەى هۆشبەرەوە دەستگیرکراون
964+
دەشتی عارف ـ هەولێر
بەرێوەبەرایەتی نەهێشتنی مادەی هۆشبەرەکان، لە دوو هەفتەی رابردوودا دەستیان بەسەر زیاتر لە 82 کیلۆ گرام ماددەی هۆشبەرداگرتووە و 16 تۆمەتباریشیان دەستگیرکردووە.
نەقیب ئەرکان عومەر، وتەبێژی بەرێوەبەرایەتی نەهێشتنی مادەی هۆشبەر، ئامارەکانی بۆ 964 خستەڕوو و وتی،”لەماوەی دوو هەفتەی رابردوودا لە چەند چالاکیەکی جۆراوجۆردا توانیومانە لە سنوورەکەمان زیاتر لە 82 کیلۆگرام مادەی هۆشبەردا دەستبەسەردا بگرین و 45 کارتۆن دەرمانی بێستیکەر و ماوە بەسەرچوومان دەستبەسەر داگرتووە”.
وەک باسى دەکات، هەر لەو دوو هەفتەیەدا 16 تۆمەتبارى مادەى هۆشبەریان دەستگیرکردووە.
پێداچوونەوە: وریا فەتاح