لە ئاکرێ هەموو ئامادەکارییەکان بۆ نەورۆز کراوە

964+

هیڤی دێوالی – دهۆک

بەرگری شارستانی ئاکرێ لە 20ـی ئەم مانگەدا بۆ رۆژی هەڵکردنی ئاگری نەورۆز و یاریە ئاگرینەکان ئامادەکاری باشیان کردووە، بەڕێوەبەری بەرگری شارستانی ئاکرێش دەڵێت، ئەمساڵ 136کارمەند و ئەفسەر لەئەرک دا دەبن.

قەزای ئاکرێ بەناوبانگە بە پایتەختی نەورۆز و ساڵانە بەچەندین چالاکی جۆراو جۆر و گەورەترین ئاهەنگ ساز دەکرێت، بریاڕە ئێوارەی 20.3.2025 لەکاتژمێر 6:45 بەئامادەبوونی خەڵکێکی زۆر ئاگری نەورۆز هەڵبکرێت و دوایی لەکاتژمێر 7:00ـی ئێوارە یارییەئاگرینەکانیش هەڵدەدرێن و ئاهەنگ سازدەکرێت.

ئیبراهیم فەریق،بەڕێوەبەری بەرگری شارستانی قەزای ئاکرێ بە 964ـی وت، ئەمساڵ تیم و ئۆتۆمبێلی ئاگرکوژینەوەمان زیاد کردووە بۆ  رۆژی هەڵکردنی ئاگر و یارییە ئاگرینەکان، کە پێکدێن لە 18 تیم و 14 ئۆتۆمبێلی ئاگرکوژێنەوە، کە حەوت ئۆتۆمبێلی گەورە و حەوت ئۆتۆمبێلی بچووکن.

وتیشی، بەڕێوەبەرایەتیەکەمان بۆ ماوەی 24 کاتژمێر لە ئەرکدا دەبن و تیمەکانمان دابەشکراون لەچەندین شوێنی جیاواز دەبن تیمی پیادەیان بە کەرەستەوە ئامادەیە.

“بۆهەر رووداوێک پێویسته‌ هاوڵاتیان پەیوەندی بە ژووری کۆنترۆڵ 115 بکەن”ئیبراهیم فەریق وای وت.

پێداچوونەوە: توانا نەقی

پشووەکانى نەورۆز کەوتنە ناو رۆژانى پشووەوە