"مافیایەک زەوى شارەوانى بە هاوڵاتیانى فرۆشتووە"
لە کەرکوک ژمارەیەک خانو و پەرژینى زێدەڕۆ تێکدران
964+
کاروان ساڵحی-کەرکوک
کەسانێکى نەناسراو کە لیژنەى زێدەڕۆیى کەرکوک بە مافیا ناویان دەبات، لە گەڕەکى دەروازەى کەرکوک زەوى شارەوانیان دابەشکردووە، بەهۆى ئەوەش زێدەڕۆن دوو خانوو و ژمارەیەک پەرژین تێکدران.
ئەحمەد ئیسماعیل کە وەکخۆى دەڵێت بەیەک گورچیلە و بە قەرزوقۆڵە خانوەکەى دروستکردووە، لەلایەن شارەوانییەوە رووخێنراوە.
لاى خۆیەوە قایمقامى کەرکوک، فەلاح یایچى بە 964ـى وت،”ئەو زەویە بە بڕیاری 320 موڵکی شارەوانییە، دیاریکراوە بۆ ئەوەی قوتابخانە و باخچە و بنکەی تەندروستی لەسەر دروست بکرێت، بۆیە بەشێوەى نایاسایى کڕین و فرۆشتنى پێکراوە”.
یەحیا نورەدین بەرپرسی لیژنەی زێدەڕۆیى کەرکوک بە 964ـی وت،”ژمارەیەک مافیا، هەڵساون زەوییەکانیان کردووە بە 200 مەترى و 300 مەترى و 500 مەترى و فرۆشتویانە بە خەڵک”.
داواش لە هاوڵاتیان دەکات، ئەوانەى ئەو زەویانەیان کڕیوە بچن سکاڵا تۆمار بکەن، چونکە ئەو زەوییەى کڕیویانە موڵکى شارەوانییە.
پێداچوونەوە: وریا فەتاح
