ئەو منداڵەى کەوتە ژێر ئۆتۆمبێل و گیانى لەدەستدا کەسوکارەکەى لە شۆفێرەکەى خۆشبوون

وریا فەتاح

کەسوکارى ئەو منداڵەى دوانیوەڕۆى ئەمڕۆ لە لە سنوورى کۆمەڵگەى بشیریان لە قەزاى بەردەڕەش، کەوتە ژێر ئۆتۆمبێلەوە و گیانى لەدەستدا، لە شۆفێرەکە خۆشبوون.

نابێت بە دەستگیرکراوى رۆژووەکەى بشکێنێت

نزیک کاتژمێر 3ـى دوانیوەڕۆ، کچێکى نزیک تەمەن سێ ساڵان بەناوى لیڤەر ئیبراهیم، لە سنوورى کۆمەڵگەى بشیریان کەوتووەتە ژێر ئۆتۆمبێلک و دەستبەجێ گیانى لەدەستدا.

کچەکە ناوى لیڤەر ئیبراهیمە و تاقانەى باوک و دایکییەتى

حیکمەت ئەحمەد، مامى لیڤەر لەبارەى رووداوەکە قسەى بۆ 964 وت،” رووداوەکە جەرگبڕبوو، بەڵام خوا پێی داین و خوداش لێى سەندینەوە”.

دەشڵێت: باوکم هەر زوو بڕیاریدا، لە شۆفێرەکە خۆشبین، هەرچەند شۆفێرەکە خۆى رادەستى پۆلیس کردووە، بەڵام ئەوە قەزا و قەدەرە و باوکم بڕیاریداوە لێى خۆش بێت و وتویەتى نابێت بە دەستگیرکراوى بەربانگ بکاتەوە.