دوو رۆژە لە ئاستێکى نزمدایە
نرخى نەوت نەیتوانى بەربەستى 70 دۆلار تێپەڕێنێت
964+
وریا فەتاح
بۆ دووەم رۆژى لەسەریەک، نرخى نەوت لە ئاستێکى نزمدا مامەڵەى پێوە دەکرێت و نەیتوانیوە 70 دۆلار تێپەڕێنێت.
ئەمڕۆ چوارشەممە، لە کاتى کردنەوەى بازاڕى نەوت نرخى یەک بەرمیل نەوتى برێنت بە 70 دۆلار و 80 سەنتە، بەراورد بەدوێنێ 24 سەنت دابەزیوە.
هەروەها نرخی بەرمیلێک نەوتی خاوی تەکساس بە 67 دۆلار و 68 سەنتە و بەڕێژەى 58 سەنت دابەزینى بەخۆیەوە بینیوە.
ئەو دابەزینەى نرخى نەوت بە جۆرێکە، نزیکەى دوو مانگە بۆ ئەو ئاستە دانەبەزیوە.
لە سەرەتاى ساڵى نوێ و سەروبەندی دەستبەکاربوونی دۆناڵد ترەمپی سەرۆکی ئەمریکا، نرخی نەوت بە شێوەیەکی بەرچاو بەرزبووەوە و نرخی هەر بەرمیلێک، لە 85 دۆلار نزیک بووەوە، بەڵام دواتر سەربەرەوخوار بووەوە.