دوو راوچی لەکاتی راوکردندا دەستگیرکران - وێنە: پۆلیسی دارستان و ژینگەی سلێمانی
حەوت باڵندەشیان پێوەگیرا و ئازادکران
لە یەکەم رۆژی مانگی رەمەزاندا دوو راوچی لەکاتی راوکردندا دەستگیرکران
964+
شۆڕش قادری
راوچییان لە رەمەزانیشدا واز لە باڵندە و ئاژەڵەکان ناهێنن و هەر لە یەکەم رۆژی مانگی رەمەزاندا، لە سنووری سلێمانی دوو راوچی لەکاتی راوکردندا دەستگیرکران و حەوت باڵندەی نازداریشیان پێوەگیرا.
هێمن کەمەرخان وتەبێژی بەڕێوەبەرایەتی پۆلیسی دارستان و ژینگەی سلێمانی بە 964ـی وت، “رۆژی شەممە 1.3.2025 تیمەکانی پۆلیسی دارستان و ژینگەی ئاغجەلەر دوو دەرچوونی جیاوازیان بۆ سنوری شاخی چنارتوو و گوندی خەربەندەلو ئەنجامداوە و دوو هاوڵاتیان لەکاتی راوکردنی باڵندەی کێوی دەستگیرکردووە”.
“هەر لەو کاتەدا دەستیانگرتووە بەسەر حەوت باڵندەی کێوی زیندوو، پێنج قەفەس، دوو تۆڕ و هەندێک کەلوپەلی دیکەدا”، هێمن کەمەرخان وای وت.
ئاماژەی بەوەشکرد، بە فەرمانی دادوەر باڵندەکان ئازاد کراون و گەڕێندراونەتەوە بۆ سروشت و ژینگە، راوچییەکانیش راگیراون و راپێچی دادگا دەکرێن.
لە ئاغجەلەر راوچییەک لەدەستی پۆلیسی دارستان هەڵات؛ تاپڕ و ماتۆڕەکەی گیران
