سبەی لە چەند شوێنێکی کوردستان تاوەباران دەبارێت

شۆڕش قادری

سبەی لە کوێستانەکانی سۆران و پارێزگای دهۆک تاوەباران دەبێت، بەڵام تازە بەتەمای فێنکایی مەبن و گەرماکە هەروەک دەمێنێتەوە.

بەپێی پێشبینییەکانی کەشناسی کوردستان، ئەمڕۆ شەممە 13.6.2026 ئاسمان بەگشتی ساماڵ دەبێت و لە رۆژئاوای هەرێم هەندێک جار دەگۆرێت بۆ پەڵە هەور، تینی گەرماکەش هەروەک دوێنێ دەبێت و گۆڕانکاری ئەوتۆ بەخۆیەوە نابینیێت.

بۆ سبەی یەکشەممەش کەشەکە تاڕادەیەک وەک ئەمڕۆ دەبێت، بەڵام ئەگەری بارینی تاوە بارانێکی کورتخایەن هەیە بە تایبەتی لە ناوچە شاخاوییەکانی سنووری ئیدارەی سەربەخۆی سۆران و سنووری پارێزگای دهۆک.

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ؛

هەولێر: 37 پلەی سیلیزی

پیرمام: 36 پلەی سیلیزی

سلێمانی: 36 پلەی سیلیزی

چەمچەماڵ: 37 پلەی سیلیزی

دهۆک: 36 پلەی سیلیزی

زاخۆ: 37 پلەی سیلیزی

حاجی ئۆمەران: 26 پلەی سیلیزی

گەرمیان: 41 پلەی سیلیزی