یەکێک لە سەرنشینانی ئەو بارهەڵگرەی کەوتەناو رووبار گیانی لەدەستدا

ئاکام غەفوور – سۆران

یەکێک لە سەرنشینانی رووداوەکەی رێگای هاملتۆن گیانی لەدەستدا و تەرمەکەی رەوانەی نەخۆشخانەی چۆمان کرا.

رەوەند هاودیانی وتەبێژی بەرگری شارستانی سۆران بە 964ـی وت، یەکێک لە سەرنشینانی ئەو بارهەڵگرەی لەسەر رێگای هامڵتۆن کەوتەناو رووبار، گیانی لەدەستدا و تەرمەکەی رەوانەی نەخۆشخانەی چۆمان کراوە.

وتیشی، ئەو دوو کەسەی دیکەش بریندارن، بەڵام برینەکانیان سووکە و بۆ چارەسەری پزیشکی رەوانەی نەخۆشخانەی ئاشتی سۆران کراون.

بەرەبەیانی ئەمڕۆ شەممە 13.6.2026 لەسەر رێگای هامڵتۆن لە دەڤەری سۆران بارهەڵگرێک بە سێ سەرنشینەوە کەوتەناو رووبار و بەقسەی رەوەند هاودیانی هەر سێ سەرنشینەکە خەڵکی ناحیەی سرێشمە سەربە قەزای خەلیفانن.

پێداچوونەوە؛ شۆڕش قادری