عەبدوڵا ئۆجەلان، سەرۆکى زیندانیکراوى پەکەکە _ وێنە: میدیا خۆجێییەکان
ئۆجەلان چى دەڵێت؟
کەمێکى تر پەیامە مێژووییەکە بڵاودەبێتەوە
964+
وریا فەتاح
بڕیارە کەمێکى تر شاندى ئیمڕاڵى پەیامێکى مێژوویى عەبدوڵا ئۆجەلان بخەنەڕوو، وێنەیەکى ئۆجەلانیش بڵاودەکرێتەوە.
بەپێى میدیاکانى نزیک لە پارتى کرێکارانى کوردستان (پە*کە*کە)، لەگەڵ پەیامەکەیدا، وێنەیەکى نوێى ئۆجەلان بڵاودەکرێتەوە کە لەگەڵ شاندەکە گرتوویەتى.
پەیامەکە کاتژمێر 5:00ـى ئەم ئێوارەیە بە شێوەى راستەوخۆ بۆ راى گشتى دەخرێتەڕوو بە شێوەى کۆنگرەى رۆژنامەوانى دەخرێتەڕوو.
بڵاوکردنەوەى پەیامەکە لە کاتێکدایە، ئەمڕۆ بۆ جارى سێیەم شاندى ئیمڕاڵى سەردانى ئۆجەلانیان کرد و لەگەڵى کۆبوونەوە، هاوکات هەفتەى رابردوو شاندەکە لە هەرێمى کوردستان لەگەڵ بەرپرسانى باڵاى هەرێمەکە کۆبوونەوە.
پەیامەکە گرنگ و چارەنوسسازە، هەنگاوێکى گرنگە بەرەو پڕۆسەى ئاشتى لە تورکیا، هەربۆیە لە هەرچوار پارچەى کوردستان بە گرنگییەوە چاوەڕوانى پەیامەکە دەکرێت و بڕیاریشە لە وان و ئامەد و سلێمانى و قامیشلۆ بە رێگەى شاشەى گەورە پەیامەکە بگوازرێتەوە.
کۆبوونەوەکەی ئیمراڵی تەواو بوو دەم پارتی راگەیەندراوی دەبێت
