“هیچ دڵەڕاوکێتان نەبێت و بەشێ پێویست غاز هەیە”

توانا نەقی

دوای هێرشەکەی درەنگانی شەوی رابردوو بۆ سەر کێڵگەی غازی کۆرمۆر هەر زوو هاوڵاتیان ترسی بێ غازییان لێ نیشت بەڵام پارێزگای هەولێر دەڵێت هیچ پێویست ناکات و غازیان هەیە.

ئومێد خۆشناو پارێزگاری هەولێر بڵاویکردەوە، دڵنیایی بە هاوڵاتیانی پارێزگای هەولێر دەدەن کە غازی ماڵان کێشەی نییە و هیچ دڵەڕاوکێیەکتان نەبێت.

ئاماژە بەوەکراوە، بەشی پێویست غازی کۆگاکراو هەیە و بەڵام ئەم هڕشەی سەر کۆرمۆر کاریگەری لەسەر بەرهەمهێنانی کارەبا دەبێت.