دیمەنی رێککەوتنی کۆمپانیاکە و حکومەتی عێراق _ وێنە: ئەنجومەنی وەزیرانی عێراق
کۆمپانیەک و حکومەتی عێراق رێکەوتن
عێراق لە کەرکوکەوە؛ نەوت بۆ پاڵاوگەکانی باکور دابین دەکات
964+
ئەحمەد مستەفا
نوسینگەی سەرۆک وەزیرانی عێراق ئاشکرایکرد، حکومەتی عێراق رێککەوتنی پێشخستنی کێڵگە نەوتییەکانی کەرکوکی لەگەڵ بریتش پترۆلیۆم واژۆکرد.
رێککەوتنەکە کێڵگەکانی، بای حەسەن، بابەگوڕگوڕ، هاڤانا، جەمبور و خەباز دەگرێتەوە.
نوسینگەی سەرۆک وەزیرانی عێراق، ئەمڕۆ سێشەممە 25.2.2025 بڵاویكردەوە، رێکەوتنەکە بە چاودێری و ئامادەبوونی محەمەد شیاع سودانی، سەرۆک وەزیران واژۆکراوە، ئامانج لێی وەبەرهێنانە لە بواری وزە و فەراهەمکردنی نەوتی خاو بۆ پاڵاوگەکانی باکوور و کەمکردنەوەی پشتبەستنیان بە نەوتی باشوری عێراق.
لە راگەیەنراوێکدا ئاماژەی بەوە كردووە، رێککەوتنەکەی ئەمڕۆ قۆناغی کۆتایی پێش واژۆکردنی گرێبەستی نێوان عێراق و بریتش پێترۆلیۆمە.
بەگوێرەی رێککەوتنەکە، وەبەرهێنان لە غازی دەرچووی کێڵگە نەوتییەکانیش دەکرێت، هەروەها وێستگەیەکی بەرهەمهێنانی کارەبا بە وزەی 400 مێگاوات دروستدەکرێت بۆ بەدەستهێنانی ئامانجەکانی پڕۆژەکە.
