چه‌ند دیمهنێك لهكاتى كێڵانى زهوى و پێدانى رێنمایی بۆ چاندنى په‌تاته له سنوورى ئاكرێ... وێنه: كشتوكاڵى ئاكرێ.
به‌فراوانى ده‌شتى ناوكوڕ ده‌چێندرێت
له ئاكرێ وه‌رزى چاندنى په‌تاته‌ى به‌هاره ده‌ستیپێكرد
964+
فه‌رهاد حه‌سه‌ن
له سنوورى قه‌زاى ئاكرێ وه‌رزى چاندنى په‌تاته‌ى به‌هاره ده‌ستیپێكرد، جگه له ژماره‌یه‌ك گوند له‌به‌شێكی ده‌شتى ناوكوڕیش ده‌چێندرێت.
ده‌شتى ناوكوڕ یه‌كێك له ده‌سته فراوانه‌كانى كشتوكاڵییه له‌هه‌رێمی كوردستان و كه‌وتووه‌ته سنوورى هه‌ردوو قه‌زاى به‌رده‌ڕه‌ش و ئاكرێ، به‌پێی داتاكانى حكه‌مه‌تى هه‌رێم ته‌نیا له‌م ده‌شته ساڵانه له كۆى به‌رهه‌مهێنانى 650 هه‌زار تۆن په‌تاته له‌هه‌رێمی كوردستان 450 هەزار تۆن لەو دەشتە دەچێندرێت، كه دەکاتە %70ـى کۆی بەرهەمهێنانی پەتاتە لە هەموو هەرێمی کوردستان.
فازڵ مسته‌فا ره‌شید، به‌ڕێوه‌به‌رى كشتوكاڵى ئاكرێ، له‌گه‌ڵ تیمێك سه‌ردانى كێڵگه‌یه‌كی چاندنى په‌تاته‌ى له گوندى گلێنه كرد و به 964ـى راگه‌یاند، به‌ر له چاندنى په‌تاته چه‌ندین رێنمایی پێویستیان به جوتیاره‌كه داوه بۆئه‌وه‌ى بێ كێشه‌و گرفت به‌ره‌مه‌كه‌ى بچنێته‌وه.
وتیشی “له به‌شێكی گونده‌كانى ئاكرێ و ده‌شتى ناوكوڕ چاندنى په‌تاته‌ى به‌هاره ده‌ستیپێكردووه و جارێ نازانین بۆ ئه‌مساڵ له سنوروه‌كه‌مان چه‌ند رووبه‌ر ده‌چێندرێت”.
به‌پێی ئامارێكی فه‌رمى فەرمانگەی میدیا و زانیاری حکومەتی هەرێمی کوردستان، ساڵ له‌دواى ساڵ به‌رهه‌مهێنانى په‌تاته له سنوورى پارێزگاى دهۆك رووی له زیادبوونه، به جۆرێك ساڵی 2019 كه‌مترین به‌رهه‌می هه‌بووه كه 84 هەزار و 321 تۆن بوو.
ساڵی 2020 به‌هه‌مێنان گه‌یشتووه‌ته 124 هەزار و 783 تۆن، ساڵی 2021 به‌رهه‌مه‌كه‌ى 137 هەزار و 156 تۆن، ساڵی 2022 به‌رهه‌مى گه‌یشتووه‌ته 261 هەزار و 261 تۆن، له ساڵی 2023 دا 583 هەزار و 317 تۆن و ساڵی 2024یش 845 هەزار و 040 تۆن په‌تاته به‌رهه‌مهێندراوه.
په‌تاته‌ى به‌رده‌ڕه‌ش و ئاكرێ ناوه‌ڕاست و خوارووى عێراقیان پڕكردووه
په‌تاته‌كه‌ى شاره‌زوور هاتووه‌ته‌به‌ر و به‌شێكى بۆ باشوور و ناوه‌ڕاستى عێراق ده‌ڕوات
