پێگەی شەفافیەت؛ پێنج ملیار دینار داهات کەمی کردووە

964+
ئەحمەد مستەفا

كۆی گشتیی داهاتی هەفتەی رابردووی سلێمانی، هەڵەبجە و گەرمیان و راپەڕین، چوار ملیار و 266 ملیۆن و 241 هەزار و 225 دینار بووە، کە زیاتر لە پێنج ملیار دینار بەراورد بە هەفتەی پێشووتر بڕی داهاتەکە کەمی کردووە.

ماڵپەڕی شەفافییەت داهاتی هەفتەی رابردووی سلێمانی 7.2.2025 بۆ 14.2.2025ی بڵاوكردەوە، زۆرینەی داهاتی هەفتەی رابردوو بەشێوەی نەختینەیی بووە بە رێژەی 70%.

گەرچی هەفتەی پێشووتر، بڕی نۆ ملیار و 799 ملیۆن و 683 هەزار و 325 دینار کۆراوەتەوە وەک داهات، بەڵام داهاتی هەفتەی رابردوو بۆ چوار ملیار و 266 ملیۆن و 241 هەزار و 225 دینار کەمی کردووە.

ماڵپەڕی شەفافییەت تایبەتە بە ئاشکراکردنی داهاتە نانەوتییەکانی هەریەکە لە پارێزگاکانی سلێمانی، هەڵەبجە و ئیدارە سەربەخۆکانی گەرمیان و راپەڕین.