هەواڵەکان
مینی پاسێک بە 33 قوتابییەوە گیرا و بارهەڵگرێکیش وەرگەڕا و منداڵێک بریندار بوو
ژووری هەواڵ
مامۆستایانی گرێبەست و هەمیشەیی له سنوورى ناحیهى بالیسانى سهر به قهزاى شهقڵاوه گردبوونهو و دهڵێن، بە گیرفانی بەتاڵ دەوام ناکەن، ئهوان ژمارەیان کە نزیکهی 300 مامۆستا دەبێ، 15 رۆژە بەشێکیان بایکۆتی ناوەندەکانی خوێندیان کردووە لە سنوورەکەیان، چونكه ئهوه بۆ چوار مانگ دەچێت موچەیان وەرنەگرتووە.
مینی پاسێکی رەنگ رەشی بێ سەرەتا، کە خۆی کورسی بۆ 11 کەس هەیە، ئەمڕۆ لە بازیان 33 منداڵی هەڵگرتبوو، مەفرەزەکانی هاتوچۆ پێیان زانی و هەر زوو گرتیان.
لەسەر شەقامی 120 مەتری هەولێر، بارهەڵگرێک لە جۆری گەڵابە تایەی دواوەی تەقی و خۆی کێشا بە کرێنێکدا کە بلۆکی بار کردبوو، بەهۆیەوە وەرگەڕا و منداڵێکی سێ ساڵان بریندار بوو، هاتوچۆش لەلایەکی شەقامەکە پەکی کەوت.
لە گوندی وێزەی باڵەکایەتی، کە بەفرێکی باشی لێ باریوە حەوتەمین فێستیڤاڵی خلیسکانی سەر بەفر ئەنجامدەدرێت و بۆ ماوەی دوو رۆژ بەردەوام دەبێت، زیاتر لە 150 یاریزانی ناوخۆ و بیانی بەشداری دەکەن.